Finnen - Birgisch, 3.10.2019

Finnen, es chliins Walliserdörfli, abgläge uf 1400 m. Früsch isch d’ Morgeluft. Aber uiuiui da hets ja e Galge us em 18. Jahrhundert, mit eme Seili drann, u da gseht me Mönsche, aha, das si d’ Bärgclübler. Die hei sech hütt am Morge mit eme vollgstopfte Zug i ds Wallis verschobe, für mit em Jürg Anliker e Tour z’ ungernä. E improvisierti Tour, wi der Jürg seit, um ei Tag verschobe u veränderet, wius obenii scho Schnee het.
Uf Finnen uche fahrt me vo Visp mit em Poschtouto um ängi Kurve, i wett ja nid Chauffeur sii!

D’ Bärgclübler mache sech ufe Wäg, zersch oberhaub vom Finnubach dür di ruehigi Natur. Ãs geit veiechlei obsi, u es rede nume die wo der Schnuuf hei. Ds Sättle geits obsi bis uf Brischeru, es Dörfli uf 2000 m.
18 wanderfröidigi Mönsche si mer hütt. Z Brischeru nimen i d Muugiige vo mim Grossunggle füre u spile churz u diskret, wiu i weiss dass Schnuregiige vilne Lüt ufe Wecker geit. Itz geits nitzig, ohalätz, der Stock han i hütt bi mer, die tuusig Höhemeter hei mer Respäkt gmacht. Der Jürg machts genial, e churzi Pouse nach jeder Halbstung. Düre Horumattewald, über d’ Ewigschmatte, ds Tähischinu düre. U vo Mund aa weiss i nümm so genau wo mer düre si, ha mi scho soo uf ds Herrgöttli gfreut, wo mer d’ Ruth versproche het wiu i der Tuurepricht schribe.
Uf jede Fall si mer guet ds Birgisch i der Beiz glandet u no gmüetlech zämeghöcklet. Danke Jürg für die spannendi Tour!
Barbara König